ka | en
Company Slogan TODO

ორგანული მჟავების სპექტრის შედარებითი ანალიზი ტიპიურ და ფალსიფიცირებულ ღვინოებში

ავტორი: სალომე წიტაიშვილი
ანოტაცია:

ღვინო რთული პროდუქტია. იგი შემადგენლობისა და ორგანოლეპტიკური მაჩვენებლების მიხედვით მრავალნაირი არსებობს, თუმცა არის ნივთიერებები, რომლებიც ყველა ტიპის ღვინოში გვხვდება ან დამახასიათებელია მხოლოდ ამა თუ იმ ტიპის ღვინოსათვის. მჟავები ღვინის ძირითადი ნივთიერებებია და მეტ–ნაკლები რაოდენობით გვხვდება ყველა ტიპის ღვინოში. ორგანული მჟავები მნიშვნელოვნად განსაზღვრავენ ყურძნისა და ღვინის გემურ და ტექნოლოგიურ თვისებებს.ისინი ღვინის სხვა ბიოლოგიურად აქტიურ ნივთიერებებთან ერთად გავლენას ახდენენ ღვინის ხარისხსა და გამძლეობაზე და აქტიურად მონაწილეობენ ღვინოში მიმდინარე ბიოქიმიურ პროცესებში,ამოტომ ძალიან მნიშვნელოვანია მათი რაოდენობის განსაზღვრა ღვინოში. ორგანული მჟავები განსაზღვრავენ ერთ-ერთ მნიშვნელოვან მახასიათებელს – მჟავიანობას. თუ ღვინო ორგანულ მჟავებს შეიცავს ჭარბი რაოდენობით, მისი გემო არის არსასიამოვნო, მკვეთრი, ე.წ. ,,მწვანე მჟავიანობის’’, ხოლო მათი არასაკმარისი რაოდენობის დროს კი – დუნე. ორგანული მჟავების რაოდენობა იცვლება ღვინის დამზადების პროცესში გამოყენებული ყურძნის ჯიშისა და ტექნოლოგიური ხერხების შესაბამისად.ორგანული მჟავები მკვახე ყურძენში ძირითადად თავმოყრილია კანში,ხოლო მინიმალური კი ცენტრში.ტექნიკური სიმწიფისას, იცვლება სურათი და ორგანული მჟავები კანთან ახლოს ფენებში უფრო მცირე რაოდენობით რჩება და მაქსიმალური რაოდენობით მარცვლის ცენტრში გროვდება. ჩვენი კვლევის მიზანს წარმოადგენს ადგილობრივი წარმოშობის ღვინოებში ორგანული მჟავების განსაზღვრა და ტიპიურ და ფალსიფიციური ღვინოების შედარებითი ანალიზი. ამ მიზნის განხორციელებისათვის საჭირო იყო შემდეგი ამოცანების გადაწყვეტა. • ღვინოშო ორგანული მჟავების განსაზღვრა. • მჟავების გარდაქმნა და მათი მნიშვნელობა მეღვინეობაში. • ღვინოებში ბიოქიმიური პროცესების განსაზღვრა. • ღვინის გამოკვლევა და ფალსიფიცირების დადგენა. • ნორმებთან შესაბამისობა,რომელსაც უნდა აკმაყოფილებდეს ტიპიური ღვინო. ჩვენს მიერ აღებულ იქნა 8 ფალსიფიცირებული და 8 სტანდარტული ღვინო,მათში გამოკვლეულ იქნა სამი მჟავის ღვინომჟავის,ვაშლმჟავის და რძემჟავის რაოდენობა.მჟავების რაოდენობას ღვინოში ვადგენთ მაღალეფექტურ სითხური ქრომატოგრაფის მეშვეობით.მიღებული შედეგებით ვსაზღვრავთ ღვინის ხარისხს. ღვინოების გამოკვლევისას განისაზღვრა ბიოლოგიურად აქტიური ნივთიერების ორგანული მჟავების მნიშვნელობა მეღვინეობაში.დადგინდა,რომ ღვინის ხარისხის გაუმჯობესების ერთ-ერთი მნიშვნელოვანი ღონისძიებაა ორგანული მჟავების რაოდენობის კონტროლის განხორციელება.


მიმაგრებული ფაილები:

ორგანული მჟავების სპექტრის შედარებითი ანალიზი ტიპიურ და ფალსიფიცირებულ ღვინოებში [ka]

Web Development by WebDevelopmentQuote.com
Design downloaded from Free Templates - your source for free web templates
Supported by Hosting24.com